Free Download links

Tracklist

1	Dagur Víns Og Rósa (Loksins)
2	Memories
3	Ég Veit
4	Help Me Decide
5	Til Hvers
6	Andvaka
7	Ég Er Ekki Viss.....
8	I Wait
9	Prayer

Notes

14. apríl 1996 | Sunnudagsblað | 284 orð

Draumurinn rætist loksins

ÞAÐ GETUR tekið tíma að koma sér á plast og ekki nenna allir að bíða eftir frumkvæði annarra.
Vignir Daðason lék loks verða af því að berja saman plötu eftur að hafa stússat í tónlist í á þriðja áratug, frá keflvískri nýbylgju í nútímarlegan rytmablús.
Draumurinn rætist loksins ÞAÐ GETUR tekið tíma að koma sér á plast og ekki nenna allir að bíða eftir frumkvæði annarra.
Vignir Daðason lék loks verða af því að berja saman plötu eftur að hafa stússat í tónlist í á þriðja áratug, frá keflvískri nýbylgju í nútímarlegan rytmablús.
Vignir segist vera búinn að fást við tónlist frá því hann var í nýbylgjusveitum í Keflavík fyrir tuttugu árum. "Síðan ég flutti til Reykjavíkur hef ég sungið jass og blús," segir hann,
en hann hefur ekki sungið inn á plötu áður. "Ég hef ekki verið á réttum stað á réttum tíma," segir hann, en hann sendi frá sér lag fyrir tveimur árum sem nokkuð var leikið í útvarpi.
"Ég ákvað að það væri best að gera þetta sjálfur," segir hann og bætir við að platan hafi eiginlega orðið til fyrir hvatningu frá Þór í Deep Jimi og Friðriki Sturlusyni. "
Þessi plata hefði aldrei orðið til nema fyrir aðstoð einstakra manna, Friðriks, Þórs og Tómasar, sem létu draum minn rætast," segir Vignir.
Vignir segist hafa lagt upp með að skrifa um heimsins böl, en þegar á reyndi hafi hann ekki nennt því enda nennti enginn að hlusta á slíkt nú orðið.
"Ég yrki því um daglegt líf, með ástarvellu inn á milli," segir hann og hlær, "en ég sæki mikið í blúsinn, það eru bláir tónar í þessu.
" Vignir segist vera að velta því fyrir sér að halda nokkra tónleika um það leyyti sem platan kemur út, um miðjan mánuðinn, og fá þá hljóðversfélaga til að leika undir.
"Platan heitir Loksins, enda er tíu ára draumur að rætast, og hún er skrifuð á Vigga Daða og Blast, því þeir eiga líka mikið í henni.

" Morgunblaðið/Þorkell Draumur Vignir Daðason.

-----------

21. júní 1996 | Fólk í fréttum | 325 orð

Í lausagangi

Geisladiskur LOKSINS

Loksins, geisladiskur Vignis Daðasonar og hljómsveitarinnar Blazt". Vignir Daðason syngur og leikur á slagverk og munnhörpu.
Hljómsveitina Blazt" skipa Þór Sigurðsson gítarleikari, Friðrik Sturluson bassaleikari og Tómas Jóhannesson trommuleikari, en Sigurður Kristinsson leikur á trommur í einu lagi.
Í lausagangi TÓNLIST Geisladiskur LOKSINS Loksins, geisladiskur Vignis Daðasonar og hljómsveitarinnar Blazt". Vignir Daðason syngur og leikur á slagverk og munnhörpu.
Hljómsveitina Blazt" skipa Þór Sigurðsson gítarleikari, Friðrik Sturluson bassaleikari og Tómas Jóhannesson trommuleikari, en Sigurður Kristinsson leikur á trommur í einu lagi.
Lög og textar eru eftir Vigni, utan tvö lög semur hann með öðrum og Björn Björnsson á eitt lag. Upptökum stýrðu þeir Vignir og Friðrik. Vignir gefur plötuna út sjálfur.

Vignir Daðason, sem kallar sig Vigga Daða, hefur lagt gjörva hönd á margt í keflvísku rokklífi, þó ekki hafi hann komið verkum sínum á plast áður.
Loksins er því fyrsta breiðskífa hans, en til liðs við sig hefur hann fengið valinkunna tónlistarmenn sem gera sitt til að lyfta plötunni.
Lagasmíðar Vignis eru iðulega gamaldags rokk, sem ekki þarf að þýða að lögin séu léleg, og margt gerir hann vel. Lögin eru rokklög og útsetningar og hljóðfæraleikur gera sitt til að undirstrika rokkið.
Á stundum vantar herslumun á að eitthvað eftirminnilegt verði úr lögunum, til að mynda í öðru lagi plötunnar, sem er með þunnum enskum texta, en það er eins og bíll í lausagangi sem aldrei fer af stað.
Önnur lög því marki brennd eru Ég veit, Help Me Decide, og þetta er reyndar helsti galli plötunnar; á henni er að finna þægilega átakalitla tónlist sem lítið skilur eftir sig.
Það er helst að hljóðfæraleikurinn stytti mönnum stundir, sérstaklega lipur og hugmyndaríkur gítarleikur Þórs Sigurðssonar, til að mynda í laginu Andvaka.
Friðrik Sturluson á líka góða spretti á bassanum, en Tómas Jóhannesson er þeirra félaga sístur.
Sem söngvari hefur Vignir takmarkaða rödd, en fer yfirleitt vel með, ekki þó í lokalagi plötunnar, Prayer, sem er líklega lakasta lag hennar, sérstaklega er textinn slakur.
Loksins er kannski ekki það sem gagnrýnanda dettur í hug þegar hann hlustar á Vigni Daðason og félaga; það er frekar að Ys og þys útaf engu komi upp í hugann.

Morgunblaðið/Þorkell VIGNIR Daðason, eða bara Viggi Daða.